Guyyaa har’aa hiriirri mormii fi lagannaan gabaa Oromiyaa keessatti bal’inaan geggeeffamaa jira. Ambo, Shaashamannee, Woliso, Burrayyu, Gimbii, Roobe, Ciroo, Naqamte, Awwadaay, Dambii Doolloo, Jimma, Adaabbaa fi magaalota Oromiyaa hedduudha kan lagannaan gabaa irraa qooda fudhataa kan jiran.
Lagannaan gabaa fi hiriirri geggeeffamaa jiru kuni sochii daldalaa magaalaa Finfinnee fi Adaamaas dadhabsiiseera. Tajaajilli geejjibaa gara Finfinneetti geessuu fi Finfinnee irraa baasus laaffateera.
Hiriirri kuni kan waamameef mootummaan hidhamtoota siyaasaa hidhe, Ob. Baqqalaa Garbaas dabalatee, haal-duree tokkoon maletti gadi dhiisu didee waan dhimma isaanii lafarra harkisaa tureef. Ajjeechaan suukkanneessaan kaleessa Hammarressatti taasifame aarii ummataa daran hammeessuu fi ummanni dallansuudhaan tankaarfii kana akka fudhatuuf dirqisiiseera.
