Irreessi bara 2015 Bishooftuu (Hara Arsadii) fi biyyoota addunyaa garagaraa keessatti bifa hedduu oo’aa ta’een kabajame. Bara kana Irreessi Oromiyaa magaalaa Bishooftuutti, Hara Arsadii, bakka namoonni miliyoonatti laakkawaman (Oromoo fi kanniin Oromoo hintaanees) irratti argamanitti irreeffatameera.
Irreessi biyyoota aadunyaa addaddaa bakka Oromoon itti heddummaatan hundatti kabajamaa Jira. Bifuma wolfakkaatuun, torbaan kana Awustiraaliyaa (Meelboorn), Nezerlaand (Amistardaam) fi Ameerikaa (Ohaayoo fi Chikaagottis) bifa oo’aadhaan kabajamuun beekameera.
Akkasumsa torbee darbe Irreessi Biriitaaniyaa, Siwiizerlaand, Noorweey fi biyyoota heddu keessatti kabajamee ture.
Torbee dhufu keessa ammooo Irreessi Siwiidiniifi Ameerkiaa magaalaa Laas Veegaas keessatti akka kabajamu sagantaalee bayan irraa hubachuun beekameera.
